Davao City – Balhog karon sa Calinan Pnp ang tulo ka mga construction workers kinsa gipangbaligya ang mga kinawat niini nga mga krudo sa Ritztok Constructions Company.
Sa interbyu sa DXDC RMN Davao kang Calinan PNP Station Commander PCI Michael Uyanguren nihimo sila’g operasyon human nga nagpatala ang project engineer sa maong kumpanya nga si Allan Collo kalabot sa mga binuhatan sa iyang mga trabahante.
Naharang sa kapulisan ang gisakyan sa mga suspek nga elf truck diin anaa kiniy sulod nga duha ka drums sa diesel nga mokantidad og P16,000.
Sikop ang maong mga trabahante nga sila Ernesto Torino, drayber, 38 anyos, minyo, taga-Prk. 1, Patrocenio, New Corella, Davao del Norte, Gemar Enriquez, Backhoe Operator, 26 anyos, residente sa Prk. 8, Barangay Waan, Maa ug Clint Tangob, helper, 18 anyos, taga-Prk. 3, Magsaysay, Patrocenio, New Corella, Davao del Norte.
Segun ni Uyanguren kasong qualified theft ang giatubang na karon sa mga dinakpan.
RadyoMaN Aimee Guinita
