*DIPOLOG CITY-*Nagpabilin na lang ang pipila ka mga control points dinhi sa zamboanga peninsula matod sa PRO9 tungod kay gi pangkuha na ang mga quarantine checkpoint diha sa mga lungsod ug syudad.
Sigon ni PRO9 Director, PBGEN FROILAN F QUIDILLA, giminusan ang mga checkpoint ug gipabilin ang mga borders checkpoint ug peace and order checkpoint.
Kahibaloan moabot sa 78 ka mga checkpoint ang gimontar sa PRO9 ug karon anaa nalang sa 35 ug ang 4 niini mao ang control point nga gibantayan sa mga Highway Patrol Group ug JTF COVID.
Gilangkuban ang 4 ka checkpoint nga anaa nahimutang sa Brgy. Tolon Rizal utlanan sa Rizal, ZDN ug Sapanga Dalaga, Mis. Occ; Brgy. Romarate, Aurora, Zamboanga del sur utlanan sa Aurora, ZDS ug Kapatagan, LDN; Brgy. Gatas, Kalawit, ZDN ug Catumbal, MCLL Highway, Guisao, Zamboanga City.
Bisan paman niini nga pipila nalang ang checkpoint apan, gipahugtan gihapon sa PNP ang pagbantay sa kahapsay ug kalinaw sa tibuok rehiyon 9.|Mark Bacroya
