Sa interbyu sa DXDC RMN Davao kang Police Colonel Alexander Serrano, Davao del Norte Police Provincial Office Provincial Director, kinahanglang suroyon ug monitoron nila kung adunay threats ug magkinahanglan nga mabantayan kini’g mga pulis.
Gibutyag ni Serrano gisuta pa nila kung Election Related Incident (ERI) ang pagpusil patay sa newly elected Barangay Captain sa Barangay Datu Abdul Dadia, Panabo City nga si Engr. Paul Albert “Epong” Saquian ug pagpusil usab sa bag-o rang nanumpa nga Barangay Kagawad sa Brgy. Sawata, San Isidro nga si Glen Dela Rama.
Segun ni Serrano parehong walay threats ang maong mga barangay officials busa adunay mga in depth investigation nga gihimo ang kapulisan sa Davao del Norte.
Wala pay motibo sa mga shooting incidents apan wala nila gipadaplin ang pulitika.
Nanawagan si Serrano sa tanang elected Barangay ug Sangguniang Kabataan officials nga dili magduha-duhang mudangop kanila o ireport kung aduna kiniy hulgang nadawat aron maaksyunan kini sa kapulisan.
RadyoMaN Aimee Guinita
