Davao City-Mga personalidad sa mga nag-unang News and Public Affairs program sa DXDC RMN Davao nagpadangat sa ilang dakong pagpasalamat ngadto sa mga Dabawenyo ug mga suking tigpaminaw sa tibuok Davao Region tungod sa walay puas nga suporta sa halos tulo ka dekada na nga pagpanerbisyo sa sibyahanan.
Ang DXDC RMN Davao nagsaulog sa iyang ika-57 nga anibersaryo, June 12, 2017 diin parte sa kasaulogan ang himoong ‘Adlaw sa Pagpasalamat’ sa umaabot Hunyo 28 sa NCCC Mall, Maa Davao City.
Ang maayong relasyon nga na-establisar ngadto sa iyang mga listeners mao ang naghatag og inspirasyon sa DXDC nga maningkamot aron mapakusog ug mapanindot pa niini ang paghatud sa mga balita, impormasyon ug kalingawan sa kahanginan nga mao usab ang hinungdan nga nahimong number one ang sibyahanan sa pinaka-latest survey sa Kantar Media ning tuiga.RMN DXDC Davao 57th Anniversary
