Davao City – Gipakilig sa kapulisan sa Davao City Police Office (DCPO) ang mga Dabawenyos pinaagi sa ilahang tinuig nga paghatag og mga rosas sa kadalanan karong Valentine’s Day.
Gipanguluhan ni DCPO City Director Police Col. Alberto Lupaz, ang aktibidad uban usab ang daghang mga pulis nga nagatang sa mga kadalanan aron itunol ang bitbit nila nga mga bulak.
Gibutyag niini nga simultaneous ang maong aktibidad sa tanang police stations sa pagpakita nila sa ilahang paghigugma sa mga katawhan sa Davao.
Subay niini hugot nga nagbantay ang kapulisan sa mga motels ug inns aron masegurong walay mga menor de edad nga makasulod o mabiktima sa krimen karong adlaw sa mga Kasingkasing.
Matud sa DCPO nagpabiling hapsay ug walay natalang insidente may kalabutan sa Valentine’s Day sukad kaganihang alas-12:00 sa kadlawon.
RadyoMaN Aimee Guinita
Facebook Comments
