NEGROS OCCIDENTAL – Nagpatigayon sa karon sang signature campaign ang Negros Dialysis Group angot sa ila nga 104 ka dialysis sessions nga indi tanan ma-shoulder sang gobierno.
Suno sa presidente sang Negros Dialysis Group – Gregorio Gustilo nga tuyo nila nga ihatag ang ila nga sulat kay President Duterte nga maga-abot sa Negros bwas nga adlaw.
Paathag ni Gustilo nga bangud nga aprubado naman ang Universal Healthcare Act – dapat ang gobierno na ang maga-gastu sa 104 ka session sang mga dialysis patients sa tagsa ka tuig.
Nahibalu-an nga sa idalum sang Philhealth Law, 90 lang ka session ang ila ma-shoulder samtang ang nabilin nga 14 ka session ang personal naman nga ginabaydan sang mga dialysis patients./YVES MONTECILLO
Facebook Comments
