Davao City – Walay problema ang mga kadalanan pasulod ug pagawas sa rehiyon onse kay nagpabilin nga maagian gihapon kini sa mga sakyanan nga gikan sa ubang mga lugar.
Gisulti ni Office of Civil Defense 11 Spokesperson Franz Irag sa DXDC RMN Davao nga passable ang entrance ug exit point nga mga kadalanan sa rehiyon onse nga nagkonekta sa kasigbit nga mga lugar.
Suma ni Irag nga hangtud karon wala silay namonitor kun natala nga pagdahili ug pagbaha sa mga dapit nga gipuntirya ni bagyong ‘Vinta’ sama sa Comval province ug sa Davao Oriental.
Hinuon, giingon ni Irag nga adunay pagdahili sa Montevista apan naagian na kini human nagpahigayon og clearing operation ang DPWH kaganinang buntag.
Padayon pa sab ginasuta sa OCD 11 ang taho kalabutan nga dili maagian ang Davao-Bukidnon Road gumikan sa landslide sa lungsod sa Quezon paingon sa Cagayan De Oro City.
Wala matud pa nakamugna og grabe nga pagbaha ang bagyong vinta nga naglandfall sa Cateel sa Davao Oriental kaganinang kadlawon.
RadyoMan Joel Viray
