Bisan ug wa pa naabot ang advance party ni Presidente Rodrigo Duterte dinhi sa Sugbu , gisusi nang daan sa Police Regional Office-7 ang mga dapit nga adtoan niini atol sa iyang pagduaw sa Sugbu karong Lunes , Pebrero 12.
Si PRO-7 director , Chief Supt. Robert Quenery , kauban si Regional Plans and Operations Division chief, Supt. Julian Entoma ug Cebu City Police Office director Sr. Supt. Joel Doria maoy nihimo sa inspeksiyon .
Lakip sa mga lugar nga ilang gisusi alang sa ihatag nga seguridad mao ang Vicente Sotto Memorial Medical Center, Cebu City Sports Center, South Road Properties ug ang AFP Central Command.
Apil na kini sa mga dapit nga posibling tugpahan sa chopper nga sakyan ni Duterte gikan sa Mactan Benito Ebuen Airbase paingon dinhi sa dakbayan sa Sugbu.
