Ginmanduan na ni Mayor Jose Espinosa III ang tanan nga mga department heads nga ihanda ang tanan nga mga dokumento nga ipasa sa manugsulod nga administrasyon ni Mayor- elect congressman Jerry Trenas.
Napagkit ini sa memorandum order nga ginpagUuwa ni Espinosa nga Executive Order (EO) No. 22-A Series of 2019 sadtong Abril 2 nga naga-organize sang Local Governance Transition Team (LGTT).
Suno kay City DILG Dir. Atty. Ferdinand Panes, ang pagtukod sang transition team suportado sang DILG memorandum circular No. 2019-39 nga nagamando sang matalunsay nga transition sa outgoing nga local chief executive sa incoming official.
Una na nga ginpahayag ni Espinosa nga handa na ang iya opisina sa matalunsay nga pagsaylo sang liderato sa iya bilas nga si Trenas.
