Mga dili taga Bukidnon, dili na pasudlon gumikan sa hulga sa COVID-19

Nagpagawas ug abiso ang local nga panggagamhanan sa probinsya sa Bukidnon nga sugod Marso 21 ning tuiga dili na pasudlon ang mga dili taga-Bukidnon isip precautionary measure batok sa pagkatag sa COVID-19.

Sa usa ka notice nga gipagawas ni Bukidnon Governor Jose Ma. Zubiri Jr., dili tugutang makasulod sa probinsya ang mga dili residente aron mapugngan ang pagkatag sa maong virus.

Ang dili apil sa lockdown ang mga health workers, empleyado ug mga opisyal sa panggagamhanan nga adunay kalambigitan sa COVID-19 ang trabaho, mga tawo o organisasyong naghatag sa humanitarian assistance, mga nagdala sa mga suplay ug uban pang mahinungdanong gamit, mga empleyado ug opisyal sa lokal nga panggagamhanan nga adunay official business.


Facebook Comments