General Santos City— Ginahikay na ang tanang dokumento aron nga hingpit ng mapasakaan ug kaso ang mga suspek nga nagpaluyo sa uwaheng pagpamomba sa usa ka kan-anan sa Kalawag 2, Isulan, Sultan Kudarat.
Sumala kang Police Lt. Col. Aldrin Gonzales, tigpamaba sa Police Regional Office 12 nga parehong grupo ang ilahang ginatutukan nga mao ang grupo ni Abo Toraype sa Dawla Islamiya Daesh Group.
Pamahayag niini nga samang mga IED components ang narekober sa maong kan-anan sa naunang mga pagbusikad milabay’ng tuig kung asa adunay naitalang patay.
Dugang pamahayag ni Pol. Lt. Col. Gonzales nga nagpabiling extortion ang motobong ilahang ginatutukan human matud pa nga wala nahinayon ang transaksyon sa teroristang grupo ug tag-iya sa maong kan-anan nga miresulta sa maong pagpamomba.
Pag-angkon niya nga dili layo nga masudlan ug terorista ang isulan gumikan sa lokason niini ung asa akonsidera matud pa nga dakong hagit alang kanila ang pagbantay sa palibot sa maong lungsod.
Sa karon matud pa ilaha pang ginasuta kung kinsa ang nagbilin sa maonmg bomba sa maong kan-anan ug kung si kinsa ang mga kaubanan niini.
Kalabot niini, gibutyag ni Gonzales nga nalusutan gyud ang kapulsan human nga nahitabo ang maong pagbusikad kung asa unom ang samdan.
Kini matud pa ang padayon pa nilang ginasuta ug gina-imbestigahan ang kapulisan nga naka-assign sa isulan.
Wala matud pay timeframe nga gihatag aron maasang-at ang kaso kini gumikan kinahanglan matud pa nga adunay igong ebidensya aron nga dili mabasura ang kaso batok sa mga suspek.
