ILOILO City – Wala pa sang executive assistants nga identified kay Congressman Jerry Treñas nga nagfile sang ila courtesy resignation.
Ini ang ginkumpermar sang kampo ni Mayor Jose Espinosa III.
Ginpahayag sang informant nga indi na maluyag magpahingalan nga mahibaluan subong nga aga kun may magasubmit sang ila courtesy resignation.
Nahibaluan nga sadtong Byernes ginpatawag ang lima ka EA’s ni Mr. Jojo Castro ang concurrent nga senior executive assistant matapos matukiban nga wala ang mga ini sa ila opisina kag sa baylo didto sila sa opisina ni cong. Trenas.
Ginpahayag nga naghingyo ang alkalde paagi kay Castro sang commitment sang mga ini sa mga programa kag policy direction sang administrasyon.
Ang nagapangduhaduha ukon tuhay ang ginasuportahan, ginpangayuan sang ila courtesy resignation.
Ini nga mga EA’s amo sanday Melchor Tan, Nuens Mitch Antiqueña, Rodolfo Alejano, Irene Ong, kag ICUPAO head Roy Firmiesa kag Boyet Rico.
