TACLOBAN CITY – Ha krisis nga ginkaka-atubang yana han Leyte Metropolitan Water District o kun LMWD, usa ha mga naapektuhan gihapon hini an mga empleyado han water district.
Ngatanan ha ira maaram kun ano an sitwasyon nga ginkaka-atubang han ira gintatrabahuan.
Ha Exclusive nga interview han RMN kan LMWD Information Officer Ma. Teresa Pascua, sumala ha iya, diri dapat kabarak-an han mga empleyado iton sitwasyon yana han water district.
“Well honestly hano iton mga empleyado ha sulod han LMWD in nagpeperform la gihapon hit ira respective duties and responsibilities pero diri naton gindidiwara nga mayada gihapon tagsa-tagsa nira nga panhuna-huna kun ano gud iton hidadangatanan hini nga aton kabutangan… Mayada ito proper nga ahensya han gobyerno nga magreresolba so diri la anay naton huna-hunaon.”
Han pakianhan han RMN hi Pascua kun komportable ba hiya yana ha iya trabaho?
“Magiging hipokrito siguro ako kun ganon ka komportable pero I am praying nga diri ini mag-last hin maiha. It akon gin-aampo kun ano it makaka-upay hiton kadam-an amu iton mag-prevail.”
