Mga empleyado it gobyerno nga igapaidaeom sa 14 diyas nga self-quarantine indi pagbuhinan rong leave

7

Kalibo, Aklan — Nagpaguwa it guidelines rong Civil Service Commission (CSC) sa pagpaidaeom sa quarantine it mga opisyal ag tawuhan it gobyerno.
Sa ginpaguwa nga memorandum it CSC nga ginpermahan ni Chairperson Alicia Dela Rosa-Bala, rong mga empleyado it gobyerno nga kaeabanan hay frontliners, health workers, ag immigration officials hay gina advisan nga maghimo it self-quarantine bangud nga lantad sanda sa banta it COVID-19.
Rong mga empleyado it gobyerno nga nagbiyahe sa mga nasyon nga apektado it COVID-19 ag magapaidaeom sa 14 diyas nga self-quarantine hay indi pagabawasan ro andang leave credits.
Klaro nga nakasaad sa memorandum nga indi igabawas sa andang leave credits rong mga adlaw nga sanda hay nakapaidaeom sa quarantine.
Kung nakakumpleto eon it 14 diyas nga quarantine, rong empleyado o opisyal it gobyerno hay kinahangean magsumite it medical certificate bago bumalik sa trabaho.
Kung absent pa gihapon matapos rong 14-day quarantine hay igabuhin eon eon ro mga inadlaw sa andang leave credits.

Facebook Comments