Mga Empleyado Sa Da Giawhag Sa Pagpalong Og Suga Sulod Sa Usa Ka Oras

5

DIPOLOG – Ugmang adlawa, Sabado sa gabii, Marso 19, sugod sa alas Otso e Medya (8:30) hangtud sa alas Nuebe e Medya (9:30) ang takna, giawhag ang mga empleyado sa Department of Agriculture sa pagpalong sa Sugang Dagitabnon (Electric Lights) sulod sa Usa Ka Oras duyog sa Pag-obserbar sa Takna AlangSa Kalibutan kon Earth Hour.Sa gipagawas nga Kamanduan gikan sa kaulohan sa Departamento sa Agrikultura, giawhag ang tanang opisyales, mga empleyado ug trabahante sa maong ahensya sa pagsuporta sa Ika-Pulo ka Tuig nga Kalibutanong Pagsaulog sa Takna Alang Sa Kalibutan.Matud pa ni Regional Director Constancio G. Alama, ang ahensya sa panguma, sa maka-usa pa,makigduyog sa tibuok kalibutan sa pagpalong sa suga nga dagitabnon bisan sulod sa usa ka oras lamang. Busa iyang gi-awhag ang tanang empleyado sa Departamento dinhi sa Rehiyon Nuebe bisan pa ang naa sa mga bureau ug line agencies niini, nga magpalong og suga sulod sa usa ka oras karong Sabado sa gabii gikan sa 8:30 hangtud na sa 9:30.Gipasabot ni Direktor Alama nga base sa usa ka pagtoon, ang dili pagpasiga og suga, pagpalong sa TV bisan sulod sa usa ka oras lamang, dunay maayong epekto sa kinaiyahan tungod kay dunay pag-ubos sa buga sa carbon dioxide.Ang sobra nga pagbuga sa Carbon dioxide makadaot sa kinaiyahan nga maoy makapataas sa temperatura sa kawanangan. Ang pagtaas sa temperatura moresulta sa grabe nga kainit sa panahon nga makadaot sa mga tanom, kahayupan ug ilabina mauga ang kayutaan, matud pa ni Alama.Dugang pa niya nga gibanabana sa mga eksperto nga sa miaging 50 ka tuig, mitaas ang temperatura sa kalibutan og 10 C. Ug ilang gilantaw nga kon magpadayon kini sa pagtaas bisan sa 3.60 C, ang gitawag nga polar ice caps matunaw ug mahagbong sa dagat ug ang mga higanteng yelo (glaciers) sa Atlantic Oceanmatunaw moresulta sa pagtaas ang lebel sa tubig gikan sa dagat og 100 metros. Kini ang hinungdan sa pagbaha sa mga ubos nga level sa yuta.

Facebook Comments