Mga empleyado sa kapitolyo, na-surpresa sa gi-anunsyo ni Gob. Bambi Emano nga 10 tawsan pesos Productive Enhancement Incentive

Na-surpresa ang mga empleyado sa kapitolyo dihang gianunsyo ni Gob. Bambi Emano nga dunay ihatag nga Productive Enhancement Incentive kon PEI karong semanaha.
Kini ang gipahibalo sa gobernador atol sa ilang Christmas party diin pasabot sa opisyal nga imbis 5 tawsan pesos lamang ang ihatag niini sa mga empleyado, gihimo kining tag 10 tawsan pesos tungod sa pasidungog nga ilang naangkon gikan sa DILG.
Makadawat usab sa PEI ang mga JoB Order sa kapitolyo apan dili samang kantidad nga madawat sa mga regular ug casual employees.
Matud ni Provincial Information Officer Nicole Managbanag, gituyo sa gobernador ang paghatag og dugang bonus sa mga empleyado isip pasalamat sa suportang ilang gipakita aron maangkon ang Seal Of Good Local Governance.