Davao City-Nagpadayon pa ang lawom nga imbestigasyon sa Tagum PNP aron sa hingpit maila na ang mga suspects sa pagpanglukab sa usa ka mall sa Tagum City kinsa nakatangag og milyones nga kantidad sa alahas ug kwarta.
Sa impormasyong gipaabot sa DXDC RMN Davao ni Police Lieutenant Colonel Jeffrey Latayada, Officer-In-Charge sa Tagum City Police Station, iyang gikumpirma nga aduna na’y mga persons of interests ug kasamtangang nagapadayon pa ang monitoring ug case build up.
Dugang pa niya nga karon lang adlawa, September 19, 2023, gipailawom sa interview ang mga empleyado sa maong mall sa pamasin nga pinaagi niini, matabangan nga mapadali ang kasulbaran sa kaso.
Sa pagkakaron, ginatutukan sa kapulisan kung inside job ba kini o modus na gyud sa usa ka grupo.
Hinuon, matud pa ni Latayada nga ipahibalo dayon nila sa publiko kung aduna na’y significant development sa maong krimen.
RadyoMan Ivy Parido
Facebook Comments
