Tungo sa ilang ka-desparado nga mabutang sila sa insakto nga isolation facility, ug dili magsagol sa mga na-swab ug positibo sa virus, nanawag na og media ang mga empleyado sa Tongas Tailoring kagahapon.
Kini aron ipaabot ang ilang kahimtang nga human sa 18 ka adlaw nga pag-lockdown sa building nga ilang gitrabaho-an sa Barangay Poblacion, nagpabilin pa gihapon sila sa sulod sagol sa mga nag-positibo sa COVID-19.
Manguna unta kagahapon ang anak sa tag-iya nga si Dalton Yap, nga ipakita ang ilang pag-protesta sa ilang kahimtang, pinaagi sa pagpanggawas sa building, dala ang placard nga mabasa ang ilang mga yangongo ug panawagan.
Apan napugngan sila sa pulis hinungdan nga gibitay nalang nila sa gawas sa building nga ilang gitrabahoan ang mga ilang mga placard. Sa maong building usab nagpuyo ang pamilya Yap.
Matud pa ni Yap nga na-alarma sila sa ilang kahimtang tungod kay, gawas nga wala pa gihapon makuha aron i-isolate ang ilang mga empleyado nga positibo sa swab test, nang-gisakit na ang uban kanila ilabina ang mga senior citizen nga mananahi.
-30-
Bisan nga naglisod sa pagpaabot sa ilang kahimtang, naningkamot ang mga empleyado sa Tongas Tailoring nga makahinabi ang RMN Iligan kagahapon pinaagi sa pagsinggit sa ilang buot ipaabot nga madunggan sa inter-agency task force sa Iligan.
Usa ka empleyado nga taga-Tubod, del Norte, kinsa nag-positibo sa COVID-19 ang midung-aw aron ipaabot sa media ang iyang hanyo nga mahatagan og insaktong ayuda ang iyang pamilya nga wala na niya napadad-i og pinanasiyal nga ayuda alang sa ilang inadlaw-adlaw nga pagkaon.
Apan ang usa ka emplyadong positibo usab sa virus ang mihangyo nga makuha na siya gikan sa maong building, aron dili makatakod sa iyang mga kauban, ilabina sa mga senior citizen nga mibati na sa simtomas sa COVID-19, apan wala pa ma-swab.
Dili, matud pa, problema ang pagkaon sa iyang pamilya nga naa nagpuyo sa Barangay Tambacan, tungod kay gihatagan man kini og suplay sa pagkaon sa barangay nagtinabangay ang mga silingan nga dili magutman.
