Mga empleyado sang Capiz Provincial Capitol, balik trabaho na!

19

Roxas City, Capiz – Nagbalik na ang trabaho sang mga empleyado sang Capiz Provincial Capitol umpisa kahapon nga adlaw sang Martes, Setyembre 8. Sa madumdoman nga temporaryo anay nga ginpasarado ang kapitolyo sang nakaligad nga mga inadlaw para nga matahagan sang ligwa ang pag-disinfect kag paglimpyo sa tanan nga opisina kag kasubong man ang safety sang mga empleyado matapos nga pila sa mga empleyado sang kapitolyo ang nagpositibo sa corona virus disease 2019.
Samtang may kaangut sang pagbalik sang trabaho sang mga empleyado, hugot nga gina-obserbar ang Alternative Work Arrangement sa diin 50- porsyento gid lamang sa numero sang mga empleyado sa isa ka talatapan ang mahimo maka-duty sa sulod sang duha ka semana samtang work from home naman ang nabilin nga 50-porsyento.
Ini bilang pagsunod man sa protocol gikan sa Department of Health(DOH).
photo(c)- Capiz Kabalaka Information Center

Facebook Comments