Davao City – Arestado ang duha ka mga utility service crew human kini nag bomb joke samtang nag duty kini sa ilang trabaho.
Ang mga service crew mao sila si Grant Gaid Moto, 21 anyos residente sa Lizada Toril ug si James Lim Bughaw, 19 anyos residente usab sa may Upper Piedad Toril.
Sa rekord sa Toril PNP, bandang ala-1:15 sa kadlawon gicheck sa security guard sa usa ka iladong fast food chain ang bag sa duruha ug nagkomedya kini nga adunay bomba sulod sa ilang bag.
Sa dihang migawas na ang mga respondents miingon pagusab kini nga dili nila buot ipabilin ang iyang bag tungod adunay mubuto sulod sa iyang bag.
Gumikan niini mitawag na og police assistance ang maong security guard ug giendorso sa kapulisan ang mga suspek.
Sa kasamtangan balhog na ang duha sa Toril PNP.
RadyoMaN Paul Canono
