ILOILO CITY – Usisaon ni Atty Hernando Galvez ang mga empliyado nga may unliquidated cash advances.
Kasunod ini sang pagpaggwa sang city accountant sang listahan sang mga empliyado nga wala nakaliquidate sang ila cash advances.
Naglambot sa masobra sa 33 milyones pesos ang kabug-usan nga unliquidated cash advances.
Nagapanguna diri si Mayor Jed Patrick Mabilog nga may masobta sa 27 milyones pesos, Executive Assistant Melchor Tan nga may 2.1 million samtang may 800,000 naman si Anay City Administrator Norlito Bautista.
Sa pahayag naman ni Tan sa mga katapo sang media, liquidated na ang ini nga amount sa national bangud kabahin ini sang intelligence fund.
Ginpaathag naman ni galvez nga dako ang unliquidated cash advances ni Mayor Mabilog bangud normal lamang nga nagacash advance ang iya opisina sa mga galastuhan kaangay sang intelligence fund.
Pasalig ni Bautista nga inorder ang finances sang syudad kag kinahanglan lamang nga mareconcile ang mga papeles.
