TACLOBAN CITY – Manhahatag hin Rainwater Collection System (RWCS) an Department of Public Works And Highways (DPWH) – Leyte Second District Engineering Office ha mga eskwelahan ha Leyte.
17 ini nga units nga rwcs nga nagkakantidad hin PHP3.4 million an ipapanhatag.
An mga benepisyaryo hini amu an Catams Elementary School, Tagak Elementary School, Ponong Elementary School, Jugaban Elementary School, Guindapunan Elementary School, Minuhang Elementary School, Minuswang Elementary School, Barugo Central School, Culasian Elementary School.
Tagduha naman nga units ha Tunga Central School, Gregorio C. Catenza National High School, Capoocan Elementary School ngan Calingcaguing National High School.
Sumala kan District Engineer Carlos Veloso, tatagan an mga top priority nga eskwelahan nga waray access ha potable water facilities.
