Nag-advance na patigayon sang make-up class ang mga eskwelahan dire sa probinsya sang South Cotabato nga himuon nga belliting quarters sa patigayunon nga Socsargen Regional Athletic Association ukon SRAA Meet sa petsa 17 tubtob 21 subong nga bulan.
Suno kay South Cotabato Schools Division Supt. Isagani dela Cruz, ini agud nga macomply sang mga estudyante ang school calendar.
Nahibaluan nga ang mga eskwelahan nga gamiton sa patigayunon nga SRAA Meet amo ang Banga Central Elementary School, Banga National High School, Prk. Rizal Elementary School, Prk. Reyes Central Elementary School, San Vicenti Elementary kag High School, Libertad National High School, Surallah Central Elementary School, Tampakan Central Elementary kag National High School, Tantangan National Trade School, San Felipe Elementary School, Dumadalig Integrated School, Surallah National High School kag Prk. Sison Elementary School.
Samtang ang Banga Central Elementary School nga ginagamit sa training sang mga athletes sang probinsya ang may klase tungod sa oras man lang sang gab-i ginagamit ang mga classrooms suno kay Sir Dela Cruz.
Ginkumpirma man ni Sir Dela Cruz nga nagapadayon man ang repair sang mga belliting schools kag playing venues kag ginaevaluate man nila kon ano na ang status sang preparasyon kag kon ano pa ang kulang.
