Davao City-Pahugtan ang seguridad ug kanunay nga mag-igmat ug alerto kini ang panawagan sa Davao City Police Office (DCPO) ngadto sa mga negosyante dinhi sa syudad.
Sa interbyu sa DXDC RMN Davao kang Police Captain Hazel Tuazon, DCPO spokesperson mas maayo kung adunay mga gwardiya nga nagbantay sa ilahang mga establisyemento.
Subay sa nahitabong robbery hold-up incidents,gitahasan ang mga station commanders nga mamahimong proactive ug pakusgan ang intelligence monitoring nga dili na maghulat nga aduna pay mahitabong krimen.
Samtang, matud sa business owner nga si Popoy Berganio, dakong tabang alang kaniya ang pagbutang og cctv cameras aron mamonitor ang mga tawong musulod ug gawas sa ilahang kan-anan.
Aduna kiniy kabalaka sa mga nahitabong tulis ug apektado kini isip negosyante.
RadyoMaN Aimee Guinita
Facebook Comments
