Davao City – Nagpahimangno si Davao City Mayor Sara Duterte nga magprepara na daan sa mga ipatumang precautionary measures diha sa mga opisina o establisyemento.
Segun niini nga kinahanglan nga mapatuman ang social distancing, adunay hand-washing facilities ug alcohol stations aron nakaandam inig balik operasyon na sa bisan unsang klase sa quarantine ang iimplementa.
“Mag-andam na ta by drawing, by measuring didto sa atong floor plans, paunsa nato mag-implement og distancing, so that when we are allowed to go out, igo na lang ta magpahigayon og general cleaning, butang og mga paraphernalia for distancing, and mag re-arrange sa atong mga offices para dire-diretso na,” sumala niini.
Dugang niini nga kung mugawas kinahanglang naka-mask, adunay 2 metros nga distansya sa laing tao ug kinahanglang adunay pocket alcohol.
“Everytime nga naa moy magunitan please wash your hands with alcohol so that dili mo matakdan sa COVID-19,” matud niini.
RadyoMaN Aimee Guinita
