Mga estudyante ha nag-viral nga video han radio broadcasting, waray magdaog ha kompetisyon

1019

TACLOBAN CITY – Viral yana ha social media an mga estudyante han Eastern Samar National Comprehensive High School nga nagpakita han ira talento ha broadcasting.

Ha video nga ginpost han KJM Promotions, mapapanood an mga estudyante nga nagpapractice han ira radio productions nga pambato nira ha Regional Secondary School Press Conference ha Ormoc City.

Kompleto an ginpakita nga productions han mga kabataan sugad han Public Service Announcement, Sports, Showbiz news, ngan may time check pa.

Presente nga naka-enroll ha Science, Technology ngan Engineering strand an pito nga estudyante.

Pero ha nakuha nga impormasyon han RMN tikang ha DepEd Regional Office 8, waray daw magdaog an nasabi nga mga estudyante ha Regional Press Conference ha Ormoc City dida han Dec. 18, 2018.

Ha interview han RMN kan DepEd Regional Information Officer Jasmin Calzita, mayada pa daw mas magkarit nga mga estudyante nga nagpakita gihapon han ira radio broadcasting skills.

Pero ha technical category in 2nd place an nasabi nga student broadcasting team.

Sumala kan Calzita, waray pa nira igpagawas an resulta han Regional Press conference.

Umabot ha 4 million views an nasabi nga video, 184,000 reactions ngan 134,000 shares.

Photo: KJM Promotions

Facebook Comments