Pagadian City, Zamboanga del Sur- Human gibuksan pagbalik sa RMN-DXPR Pagadian ang pagpangdawat pag-usab og mga hinabang alang sa mga nibakwit nga pamilya sa Marawi City, Lanao del Sur nga naapektuhan sa gubat tali sa militar ug terorista daghanan sa mga Non Government Organization ( NGO), mga estudyante ug yanong indibidwal ang mihatod og hinabang sa sibyaanan.
Kagahapon naghugpong ang mga tinun-an sa Western Mindanao State University –External Studies Unit Pagadian city arun sa pagtapok sa ilang natigum nga mga sinako nga pagkaon sama sa noodles ug sardinas.
Sadya usab nga gipas-an sa mga estudyante paingon sa opisina sa RMN DXPR Pagadian ang mga used clothing.
Ang pagdasig sa grupo nga Oracis Pagadian sa pagpanguna ni Michael Ganta ang nakaagda usab sa mga estudyante nga mogahin og mga hinabang.
Sumala ni Ganta mokabat sa P10,000 ang kantidad sa mga natigom nga used clothing ug 5,000 nga kantidad usab ang natapok nga mga pagkaon.
Dugang pa niya nga bisan og gamay lang ang ilang mapadala nga hinabang apan nakasiguro sla nga nakatampo sila sa panginahanglan sa katawhan nga naapektohan sa engkwentro.
Ang Oracis Pagadian chapter ug RMN DXPR Pagadian nakadisedir nga buksan pagbalik ang ilang donation drive gumikan sa tumong nga makatabang sa mga napagaan sa kagubot sa Marawi City.
