Mga firecracker vendors, may yara na sang designated area nga baligyaan sang palupok!

Roxas City, Capiz- May yara na sang lugar nga pwede baligyaan sang mga firecrackers sa Paskua kag Bag-ong Tuig.
Ini ang nahamtang sa bakante nga lote sa may bahin sang Gov Atila Balgos Avenue sa Barangay Banica, Roxas City.
Ginpahayag sang lider sang grupo nga si Mrs Cyrel Garcia matapos ang hinun-anon sa opisina ni City Mayor Ronnie Dadivas.
Suno diri, ang sa bahin sang Premier de Mayo kag sa area sang Pueblo de Panay amu ang una nga ginkunsiderar nga lugar apang bangud sa ginakabalak-an nga indi masunod ang health protocols bangud sa limitado nga lugar, mas ginpakamaayo nga ang sa bahin sang Barangay Banica na lamang ang himuon nga designated area para baligyaan sang mga palupok.