Roxas City, Capiz – Natalana nga igapatawag sang city council ang mga fish growers sa syudad sang Roxas agud nga talakayon ang mga tikang para mapabilin ang titulo sang Roxas City bilang “Seafoods Capital of the Philippines”.
Ini matapos man ang pagbisita sa syudad sang isa ka undersecretary sang Department of Agriculture.
Ginsiling sini nga base sa iya obserbasyon, ama-amat na nga nalampusawan sang mga lugar kaangay sang Bulacan, Pampanga, Pangasinan kag Laguna ang Roxas City pag-lab-ot sa volume sang ginaproduser nga mga aquatic products. Ini sa pihak nga may yara kita sang pinakapreska nga mga aquatic products kag safest nga tubig. Sa privelege speech ni City Councilor Matty Viterbo, isa sa mga ginaduso amo ang pagpaidalom sa testing sa waste water. Nagakadapat man nga may yara sang nagakaigo nga branding ang mga aquatic products halin sa Seafoods Capital of the Philippines.
