Mga fish vendor sa Agdao Public Market nalipay human natabangan sa DXDC ang ilang reklamo

Davao City – Dako ang pagpasalamat sa mga fish vendor sa bag-ong building sa Agdao Public Market nga gitagaan dayon og pagtagad ang ilang reklamo pinaagi sa DXDC News Team, human gipadangat sa buhatan sa Ancillary Service Unit (ASU) ug gi-aksyonan dayon ni Paul Bermejo (ASU) Head ang maong mulo, kabahin sa mga vendor nga nagapamaligya sa gawas, sa dihang gihimong parking area ug wala nay nakapamaligya.

Sa pakighinabi sa DXDC RMN Davao kang Randy Magallanes,Vice President sa fish vendor Association gisulti niya, dili kabayran ang kalipay sa mga vendor human nga giaksyonan sa DXDC RMN Davao ang maong problema ug mikusog na ang palit sa ilang baligya sulod sa puwesto nga ilang girentahan.

Sugyot usab ni Magallanes, mangita ang gobyerno og lugar nga kabalhinan sa pwesto sa mga laray-laray vendor sa gawas aron makapadayon sa ilang pagpaninda.

Nahinabi usab sa DXDC Team si Jenny Abellanosa, usa ka laray-laray vendor gisulti niya, kung papahawaon na sila mangita usab ang gobyerno og lugar aron didto sila makapaninda.

Giingon usab ni Hermenijilda Conahap, isip vendor sa larayan, kung walay relocation sa mga vendor sa gawas maglisud na sila tungod, wala nay lugar nga mabutangan sa ilang baligya.

RadyoMaN Don Pulayao