TACLOBAN CITY – Magdudumara hin clean up drive ngan pangayad hin mga eskwelahan an mga foreigner nga sundalo ha Tacloban City.
Purlominos 200 nga men and women han navy an apil ha delegasyon para han yana nga tuig nga Pacific Partnership.
An duha kasemana nga aktibidadis in pormal nga gin-abrihan ni Mayor Cristina Romualdez nga nagpasalamat ha foreign delegation para han ika duha na nira nga pagbisita.
Sumala han alkalde, dako nga bulig ha syudad ngan ha mga residente an pagbisita han delegasyon nga bumulig gihapon ha Tacloban matapos an paglasurbo han Super Typhoon Yolanda.
Para yana nga tuig nga Pacific Partnership an mga kasundaluhan tikang ha US, United Kingdom, Canada, Peru, Australia, Canada, South Korea, Japan,Malaysia ngan Thailand in mangangayad hin eskwelahan ngan health centers ha syudad, pati manlilimpyo ha kalibungan.
Sumala kan US Deputy Chief Of Mission to the Philippines John Law, malipayon hira nga nakabalik ha pilipinas, usa nga mga nasud nga pirmi ginlalasurbo hin disasters.
Gintawag nira nga an ‘extraordinary mission.’ an ira utro pagbisita ha Tacloban.
Ginkokonsidera an Pacific Partnership nga the largest annual, multilateral disaster response preparedness mission.
(PHOTO BY TCIO)
