TACLOBAN CITY – 7,000 nga trabaho an ig-ooffer yana nga adlaw han Department of Labor and Employment (DOLE) Region 8 para han ira Super Mega Job Fair dinhi ha Sinirangan Bisayas.
62 nga employers tikang ha mga ahensya han gobyerno, local business ngan recruitment agencies an mag-ooffer gihapon han trabaho abroad, ini in mahihinabo ha Tacloban City Convention Center (Astrodome).
Mayada gihapon livelihood component para hadton mga self-employed sugad han counseling, product display and sales, franchising, sharing of success stories, skills training ngan generation tips.
Ha interview han RMN kan DOLE Regional Director Cyril Ticao, ini in para makaghatag hin oportunidad para hadton mga waray trabaho ngan karuyag magtikang magkamayada hin income.
Ha 7, 000 job vacancies, 3, 000 dinhi in trabaho ha abroad. An nasasalin naman in trabaho dinhi ha pilipinas ngan ha Region 8.
6.95 million pesos an gin-alotaga han mao nga buhatan para han livelihood grants para han 9 nga Local Government Units ngan private organizations.
Ha pinaka-lates nga report naman han Philippine Statistics Office, 96.3 percent na han employment rate ha Region 8 tinikangan dia han Enero yana nga tuig.
