Dumalinao, Zamboanga del Sur – Dili lang kay nakaltasan ang basura gumikan sa gipanglangkat election’s campaign materials nga gigamit sa pagpangampanya sa nakalabay nga eleksyon, nakabenipisyo usab niini ang mga estudyante sa lungsod sa Dumalinao, Zamboanga del Sur.
Reduce, Reuse ug Recycle kini ang gibandera sa kampanya sa LGU-Dumalinao nga gipangunahan ni Mayor Junaflor Cerilles, kun asa gikan sa mga tarpaulins gigama kini nila nga school bag ug nagamit na sa mga estudyante atol sa pagbukas sa klase.
Sumala sa Mayor, usa kini sa iyang adbokasiya isip pagprotekta sa kina-iyahan ug ang naasoy nga proyekto apil na sa iyang kusganon nga kampanya alang sa kalimpyo sa palibot.
Aminado usab si Cerilles nga apil siya sa mga politiko nga nakatampo sa mga basurang plastic.
Ang mga school bag nga dunay sulod nga mga school supplies ilang gipang-apud-apod sa mga bata nga kabos ang kahimtang sa pamuyo.
Photos Courtesy to LGU Dumalinao
