Human nga gipamutol ang mga punoan sa kahoy sa wala mailang indibidwal gibiyaan gilayon kini didto sa may Sitio Sicanan, Barangay Latabon, sakop sa lungsod sa Siocon, ning probinsya.
Sa pagkakaron blanko pa gihapon ang kapulisan sa lungsod sa Siocon kun si kinsa ang tag-iya sa mga ginabas nga kahoy niadtong adlawng myerkules bandang 11:25AM bisan paman sa ilang pagpaningkamot nga mailhan ang responsible.
Kung kahinumdoman dali nga ni responde ang kapulisan sa Siocon uban sa personahe sa CENRO human nakadawat ug impormasyon may kalabot sa gibayaan nga mga wood lumber.
Moabot sa 114 kabuok nga mga ginabas nga kahoyng Lauan, Nato, ug Loktob nga adunay nagkadaiyang sukod, gibana-bana nga anaa sa 1,214brdft, mokantidad kini ug P30,350mil.
Ang mga nakuha nga kahoy anaa sa kostudiya sa CENRO Siocon alang na unya sa tukmang disposasyon.
