Human nga nakumpiska sa kapulisan sa Jose Dalman ug CENRO-Manukan ang nagkadaiyang sukod sa mga ginabas nga kahoy dili palang dugay.
Ang nasapon nga indibidwal human sa gihimong pag responde sa kapulisan temporary una kining gipagawas sa personahe sa CENRO.
Kung mahinumduman, ang kapulisan sa Jose Dalman sa pagpangulo ni PSI Jimmy Tagapan Abrasaldo ug CENRO manukan mi adto kini sa brgy. Tamil sakop sa Jose Dalman tungod sa report nga matod pa adunay nahitabo nga illegal nga pagpamutol ug kahoy nga nailang BOGO gamit ang duha ka Chainsaw sa maong barangay.
Nasapon sa akto niadtong higayona si Daniel Legorio Cimafranca tag-iya sa punoan sa kahoy, 52 anyos, lakip usab nga naaktuhan ang tulo ka chainsaw operator nga sila si Renario Oteda y Meraveles, 71, Edgar Oteda y Tayre, 41, ug Agustos Oteda y Tayre, pulos kini sila molupyo sa Brgy. Madalag, Jose Dalman.
Nakuha ang duha ka chainsaw, 40 kabuok nga 2x6x10, 48 ka buok nga 2x6x8, 20 kabuok nga 2x6x5, 60 kabuok nga 2x3x10 ug upat ka 2x3x8 nga mo abot kini ug 532brdft.
Sa pagkakaron anaa na kini gidala sa buhatan sa CENRO ang mga nakumpiska nga kahoy alang sa tukmang disposayon.
