Naharang sa kapulisan sa lungsod sa Piñan ang usa ka ten wheeler truck nagtangag sa plaka numero AAS 3406 didto sa may Tinglan, Mutia Zamboangadel norte ning bag-ohay lang
Ang nahisgutan nga sakyanan naka rehistro kini sa pangalan ni Ramel O Tacbaya nga taga dakbayan sa Dapitan ug gimaneho kini ni Mahamad Pitogo Casnor, 25 anyos nga taga Brgy. Aseñero dakbayan sa Dapitan uban ni Roel Bacara Quime Quime, 33 anyos taga brgy. Masidlakon, Dapitan city.
Anaa usab kini walo ka mga pahenante nga sila si Junrey Gubatan Pagas, 21, taga lanawan Saulg, Joel Bagasol Disoacido, 40, George Elcamel Albuen, 28, pulos kini taga brgy,. Aseñero.
Lain pang kauban nga sila si Rey John Bongcawel Butalid, Rustam Bacara Quime Quime, 19, Rodel Bacara Quime Quime, pulos taga brgy. Masidlakon, ug Avelino Alum Tecson, 29, taga newland Mutia ug Joseph Buca Abiara molupyo sa Sitio Sicawang, Sto. Niño, Katipunan.
Ang maong sakyanan kargado kini sa mga ginabas nga lubi nga adunay gidaghanon nga 6,360 bd/ft.
Sa dihang gipangitaan kini ug mga papeles paso na ang gipakita nga dokumento para sa pagbyahe ang dokumento penetsahan kini ug hunyo 2—hunyo 23, 2018 nakapangalan kini kang Mrs. Ma. Consuelo F. D’Orival, tag iya sa yuta ug Ramel O. Tacbaya tig baligya sa coconut lumber.
Sa pagkakaron gihikay na ang mga papeles sa maong mga illegal nga pagbyahe sa mga ginabas nga punoan sa lubi ug kasamtangan karong tanggong sa Piñan PNP ang truck.
