Ginklaro sang PAG-ASA sa publiko nga wala sang kamatuoran ang mga nagagwa nga mga pamahiin kadungan sang matabo nga super blue moon kag lunar eclipse karon sa gab-i.
Una diri, may mga nagahambal nga kadungan sang eclipse, gakatabo man ang pila ka mga superstitious beliefs kaangay sa pagkaguba sang ulo sang mga sapat sa pag-umpisa sang eclipse kag ini ang senyales sang katapusan sang kalibutan ukon may epekto sa aktibidad sang bulkan.
Bisan sa iban nga bahin sang kalibutan may nagapati man nga makabulig ang eclipse sa mga mag-asawa kag magnobyahanay sa ila nga sexual life.
Pero sa isa ka interview kay PAG-ASA Chief Astronomer Engr. Dario dela Cruz, gintadlong sini ang mga nasambit nga mga pagpati.
Angot sini, suno kay dela Cruz, apisar nga magasugod ang nasambit nga celestial event las-6:49 karon sa gab-i, pinakanami ini nga lantawon mga las-7:48 sa gab-i kun sa diin magasugod na ang ginatawag nga partial eclipse.
Magasugod naman ang total lunar eclipse las-8:51 sa gab-i nga magadugay sang isa ka oras.
Magatapos ang nasambit nga astronomical phenomenon las-onse naman sa gab-i.
Liwat naman ini nga masaksihan sa tuig 2037. *rcsg*
Like our official Facebook page www.facebook.com/ifmbacolod943
