TACLOBAN CITY – Pito na nga magkadurudilain nga 4-wheel vehicles nga waray mga sakto nga dokumento an gin-impound han Highway Patrol Group yana nga Agosto dinhi ha Region 8.
Sumala kan PSupt. Lucilo Laguna, Regional Director han Highway Patrol Group Region 8, ini nga mga sarakyan in tikang ha iba nga rehiyon kun diin gin-aaligar gincarnap o ginrentahan ngan wararay na igbalik ha tag-iya ngan baligya nala dinhi ha rehiyon ha barato nga presyo.
Dugang pa han opisyal, waray sadang nga mga dukomento an mao nga mga sarakyan nga nadakop ha gindumara nira nga mga operasyon sugad ha Southern Leyte ngan Tacloban.
Pahimatngon han opisyal, damo pa ha bug-os nga rehiyon an ira gin-iimbistigaran nga mga sarakyan.
Samtang, gin-aandam na han mga nabiktima an pagpasaka hin kaso ha mga suspek nga nagbaligya ha ira.
Gin-aaghat han Highway Patrol Group an mga may plano nga pumalit hin second hand nga mga sarakyan nga panginanuon anay ha ira buhatan kun kompleto an mga dukomento.
