Gidasig ni CHO Head Dra. Marjorie Culas ang mga ginikanan nga dili mag-alanganin sa pagpabakuna sa ilang mga anak aron dili madutlan sa maong mga virus.
Gisaysay ni Dr.Culas nga mabutang sa peligro ang panglawas ug maingon man kinabuhi sa usa ka bata kon dili ma-immunize batok sa sakit nga tipdas ug rubella.
Ang bata kansang mataptan sa maong mga balatian tungod sa virus nga makatagamtam og kumplikasyonng pagka-buta, pneumonia, polio, o dili ba kaha pagkakutlo sa kinabuhi hilabi na kon ang makatapot kadtong German measles nga matang sa virus.
Gipahinumdoman ni Culas ang katawhan nga dili sab angay magkumpiyansa ang mga hamtong tungod dako ang tsansa nga maigo usab sila sa rubella ug sulod sa tulo adlaw mu-epekto ang virus sa lawas sa usa ka tawo nga maigo niini.
Apan ang maayo lang kay taas ang posibilidad nga maka-survive sa kakuyaw ang hamtong kon maigo sa balatian hatud sa lig-on nga immune system ikumpara sa mga kabataan.
Gipasabot ni Culas nga ang pagbakuna kontra tipdas ug rubella dili lamang ka-usa mahitabo apan sa tanang panahon kini hilabi na ang efficacy sa bakuna nga maglungtad lang sa usa ka tuig busa magkinahanglan na sab og laing shot sa immunization ang usa ka bata o hamtong nga tawo.
Nasayran nga target karon sa CHO nga maka-immunize og 100 ka libo ka bata nga nag-edad og 9 ka bulan hangtud 70 ka bulan kon lima ka tuig pa ubos.
Gibatbat ni Culas, pagahimoon ang immunization batok measles sa 18 ka District Health Centers sa bulan sa Mayo ning kasamtangang tuig.
Karong tuiga, duha lang ka kaso sa kabataan nga naigo sa tipdas ang natala sa City Health Office diin sa 2022 usa ra ka kaso sa tipdas ang ilang natala sa dakbayan.
RadyoMaN Joel Viray
