Davao City – Magbalay-balay ang mga opisyales sa Brgy. 76-A sa pag-awhag sa tanang mga ginikanan aron ipabakuna ang ilahang mga anak atol sa National Outbreak Response Immunization karong Oktobre 14 kontra polio.
Sa interbyu sa RMN Davao kang Brgy. 76-A Kapitan Rolando Trajera nga gipakusgan nila karon ang kampanya aron masigurong way mataptan sa maong delikadong balatian.
Apan aminado gayod si Trajera nga dakong hagit gayod kanila ang pagbuyag sa mga taong padayong gapagawas og hugaw diretso sa kadagatan tungod usab wala gayud kiniy mga banyo.
Samtang, hugot nga nagmonitor ang ilahang mga barangay health workers kung adunay kaso sa polio sa ilahang lugar.
Panawagan usab niini sa katawhan sa ilahang barangay nga dili magpataka og labay sa ilahang mga basura tungod kay dako kining kontribusyon sa nagkadaiyang mga sakit.
RadyoMaN Aimee Guinita
