Pagadian City – Moabot na sa 20 porsyento sa target nga ihap sa mga bata ang nabakunahan na sa Department of Health (DoH- Zambaoanga del Sur) batok tipdas sa nagpadayon nga kampanyang Ligtas sa Tigdas sa maong departamento.
Aminado si Dahlia Aseniero ang Technical Division Chief sa Provincial Health Office nga dunay ubang lugar nga nagkinahanglan sa “extra effort” aron maabot ang ilang target.
Dinhi sa probinsya nanginahanglan matud pa og mas agresibong kampanya sa measles human nisaka ang kaso sa tigdas sa pipila ka munisipyo.
May mga ginikanan usab nga namalibad sa pagpabakuna sa ilang mga anak kay gidili matud pa sa ilang pagtoo, ang uban usab nagdumili gumikan sa isyu sa dengvaxia.
Nihangyo usab si Dr. Agnes Fernando, ang Provincial DOH Office nga suportahan ang ‘Ligtas Tigdas’ Supplemental Immunization Activity.
