Davao City – Dako ang pasalamat sa mga ginikinan sa duha ka elementary students gikan sa Kapitan Tomas Monteverde Sr. Central Elementary School nga napili alang sa DXDC Excellence Award 2018.
Sa pakighinabi sa DXDC RMN Davao sa usa sa mga ginikanan nga gilang si Edward Jadraque, nalipay siya nga napili ang iyang anak isip usa sa mga DXDC Excellence awardees nga mao si Eddel Gwen V. Jadraque.
Kagahaponga adlawa, atol sa graduation ceremony sa Kapitan Tomas Monteverde Sr. Central Elementary School, gitunol na sa RMN Team ang Plaque of Recognition, Medal of Excellence ug “Saludo ‘mi nimo, Kasama!” gift pack ngadto ila Nessa M. Doctolero ug Eddel Gwen V. Jadraque kinsa sila nahimong maayong ehemplo isip mga kabataan nga nagpakita sa ilang abilidad ug gugma sa ilang pag-eskwela ug sa ilang pamilya.
Kahinumduman nga sumala ni Misel Miral, RMN Davao Special Projects head nga gikan sa top 5 nga napili sa maong eskwelahan, nagpili ang DXDC Team og duha pinaagi sa evaluation diin gawas sa ilang achievements sa academic, gi-evaluate usab ang ilang characters ug values isip mga kabataan.
Samtang ugmang adlawa, adlawng Huwebes, lauman nga laing mga awardees na usab ang tunulan sa DXDC Excellence Award 2018 sa Sta. Ana National High School dinhi sa syudad sa Davao.
RadyoMaN Renz Barbarona
