Pagadian City – Ni-arangkada na ang pagpangbakuna batok COVID-19 sa dakbayan sa Pagadian diin giprayoridad ang mga medical frontliners. Pinakaunang gipangbakunahan ang mga personahe sa Aisah Medical Hospital kun asa pinakaunang gibakunahan ang Medical Hospital Director Dr. Brando Khalif Jally, ug gisundan nila ni Chief of Clinic Dr. Erving Noel Merlin, ug Dr. Edward Nasiad, ug uban pang mga doktor og nurses sa nasangpit nga ospital.
Ang bakuna nga gigamit mao ang Sinovac Vaccine. Nagpasalamat usab si Dr. Kalif Jally sa libreng bakuna nga gigahin sa city gorvenment, giisip kini nga dakong gasa. Gi-saksihan mismo ni Mayor Sammy Co ang pagbakuna sa mga medical frontliners sa maong ospital. Karong adlawa gikatakdan nga bakunahan ang mga Medical Workers sa Pagadian Medical Center ug Cabahog Hospital.
