Davao City-Mag-atubang og kasong unjust vexation, resisting arrest and disobedience of person in authority ang tulo ka mga lalaking giyaga-yagaan ang usa ka pulis nga nanita kanila dihang nagpatrolya kini.
Mga suspek giila nga mao sila si Ruel Flandez, 23 anyos, Mark Canaliza, 33 anyos, Leomar Monteclaro, 23 anyos pariho nagpuyo sa R-Castillo Agdao siyudad sa Davao samtang ang pulis mao si Police Officer 2 Michelle Jumangit.
Sa report gikan sa Sasa PNP isyuhan na unta og citation ticket ang mga suspek dihang naabtan kini nga nanigarilyo sa usa ka beach club apan dihang mipaduol na ang maong pulis daling gilabay ni Flandez ang iyang sigarilyo dayon gihimakak ang pasangil sa pulis kaniya.
Gawas niini, ila usab gibugal bugalan si PO2 Jumangit ug gipaulawan pinaagi sa pagkuha og cellphone video kaniya kinsa nag ingon nga nanakop siya nga walay igong ebidensya.
Si Police Officer 2 Jumangit giback-upan sa laing duha pa ka mga pulis kinsa maoy misikop sa mga suspek resulta sa pagkabalhog niini sa selda sa Sasa PNP.
RadyoMan Don Pulayao
