P112K NGA KANTIDAD SA ILEGAL NA KAHOY NAKOMPISKA
Nakompiska sa mga otoridad ang 2,500 board feet sa 300 ka mga ginabas sa kahoy’ng toog nga moabot sa 112 thousand pesos ang kantidad.
Sa taho sa PRO-13 Caraga alas 10:45 sa gabii dihang nagpahigayon ug anti-illegal logging operation ang gingsakpan sa Tagbina PNP ug DENR sa Brgy. Soriano, Tagbina, Surigao del Sur malamposon niining naharang ang dump truck nga kargado sa maong mga kahoyng illegal.
Ang driver sa dump-truck nga si Roberto D. Villabeto, 30 anyos, residente sa Brgy. Wasi-an, Rosario, Agusan del Sur ang giaresto ingon man ang helper niini nga si Rodanne V. Tagud, 22 anyos nga residente sa Brgy. Anoling maong lungsod.
Kasong kalapasan sa PD 705 (the Revised Forestry Code of the Philippines) ang ipasaka batok sa nasangpit na mga suspek.
