Ginpapa ‘pull-out’ sang Department of Agriculture (DA) sa mga merkado ang mga imported nga maling kag iban pa nga ‘çanned meat’products gikan sa China kag iban pa nga pungsod nga apektado sang Africans swine fever ukon ASF virus.
Ginhingyo sang DA sa Food and Drug Administration ukon FDA kasunod sang ginhiwat nga ‘emergency’ meeting sa tunga ni Agriculture Secretary Manny Piñol kag sa hanay sang hog industry.
Ginpahayag ni Secretary Piñol nga seryoso nga pamahog sa mga babuyan sa pungsod ang ASF.
Nahibaluan, nagalab-ot sa 1.7 bilyon nga baboyan ang gin-igo snag ASF sa Vietnam sang damlag lang.
Kabahin sa ginkasugtan sa pagsinapol ang pormal nga paghimo sang isa ka petisyon kay Presidente Rodrigo Duterte nga magdihon sang mas mabug-at nga tikang agud protektaran ang P200 billion hog industry sa pungsod.
Magluwas sa hugot nga monitoring sang Bureau of Animal Industry (BAI), ginmanduan man ni Secretay Manny Piñol si Undersecretary Ariel Cayanan, Undersecretary for Operations and National Project nga makigsapol sa FDA.
Photo from web
