Matud ni Public Safety and Security Office Head Angel Sumagaysay nga subay sa ilang nasabotan sa DPWH XI, unahon pagdemolish ang kadtong mga informal settlers nga nabayran na sa gobyerno ug ang mabilin isunod og papahawa kini aron mapadayon og tapos ang coastal road project.
Ug kon mapapha na sa hingpit ang mga informal settlers ug mahuman na ang coastal road, pabantayan og maayo sa mga Civil Security Unit ang entero coastal road kini aron masiguro nga walay informal settlers ang makatukod og iligal nga istruktura sa maong bilyones nga proyekto sa dalan.
Giingon ni Sumagaysay nga makigpulong usab sila sa mga barangay council aron matabangan ang lokal nga gobyerno nga mabantayan ang coastal road pinaagi sa pagdeploy sa ilang mga barangay tanod, sanglit sa kataas sa niini dili kaya sa LGU ang paghatag og seguridad niini busa nagkinahanglan sila og ayoda gikan sa mga barangay nga nasulod sa maong proyekto sa dalan.
Una nang gibutyag ni DPWH XI Spokesperson Dean Ortiz nga opisyal ablihan sa publiko ang 1st phase sa coastal road sulod karong bulana diin ang biyahe na lamang mukabat nalang sa 20 minutos gikan sa usa ka oras.
Ug kung hingpit nang paagian sa mga motorista ang coastal road maminus-minosan ang huot nga dagan sa trapiko gikan sa kasadpan paingon sa Norte ning syudad.
RadyoMaN Joel Viray
