Roxas City, Capiz – Nagsugod na sa pagboto ang mga inmates sang Roxas City Jail nga nahamtang sa may bahin sang Brgy. San Jose sining syudad.
Kapin sa 169 ka bilog ang gina-ekspektar nga makaboto subong nga adlaw samtang 35 sa mga ini ang kababainhan.
Suno kay SJO3 Isidro Apolinario, ang mga inmates ang isa-isa naman nga gina-alalayan sang mga jailguards kaupod ang mga katapo sang board of election inspectors(BEIs).
Nahibaloan nga sa Roxas City Jail sila nagaboto sa diin gina-transport lamang ang balota halin sa polling center kun sa diin sila narehistro kag ini naman ang igadala pabalik kun matapos na ma-shade.
Igatransport naman ini paagi sa pag-escort sang jailguards kag BEIs.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
