Davao City – 53 ka mga estudyante sa criminology gikan University of Mindanao ug John Paul College of Davao ang nag intern sa Philippine Drug Enforcement Agency kun PDEA-XI sulod sa duha ka semana.
Sumala ni PDEA11 spokesperson Noli Dimaandal nga parte sa programa sa PDEA-XI ang pagdawat sa mga interns ngadto sa ilang buhatan aron masayran sa mga estudyante kung unsa ang ilang tagsa tagsa ka mga responsibilidad sa ilang trabaho.
Gidugang ni Dimaandal nga ginatudloan usab ang mga interns sama sa ‘Anti Drug Prevention’ ingon man kung unsa ang epekto sa droga ngadto sa mga nagagamit niini.
Gipasabot usab sa maong tigpamaba ngadto sa mga interns kung unsa ka importante ang kampanya sa pagsugpo batok sa droga lakip na ang pagpahigayon og lecture ngadto sa mga pribado o pampublikong eskwelahan aron mapaabot sa mga estudyante ang mga dautang epekto niini sa panlawas sa usa ka tawo.
Dugang niini nga mutabang usab ang mga interns sa paglecture ngadto sa mga eskwelahan.
Gisulti ni Dimaandal nga dako usab ang makat-onan sa mga intern niini pinaagi sa pagtudlo ngadto kanila aron dili malambigit sa iligal nga droga kun mahimong nang mga police isip tigpatuman sa balaud nga muprotekta sa seguridad sa katawhan.
RadyoMaN Don Pulayao
