TACLOBAN CITY – Gin-aaghat han National Maritime Polytechnic an mga
kababayin-an nga sumulod ha industriya han Maritime. Ini in kaparte ha
pagselebrar han mao nga buhatan ha National Women’s Month celebration.
Sumala kan Mayla Macadawan, Deputy Executive Director NMP, an maritime
industry in diri la abri ha mga kalalakin-an kundi sugad man ha mga
kababayin-an. Ha nagigin sitwasyon man gud yana in damo na an kapitan ha
barko nga mga kababayin-an.
Sumala naman kan Grace Marie Ayaso, Head han Maritime Research Development
Division, an International Maritime Organization pinaagi han standard of
training certification watchkeeping in nagkamayada hin resulosyon nga
nag-aaghat ha mga kababayin-an nga sumulod ha Maritime Industry ngan sugad
man an tinatawag nga Go to Sea Campaign.
“We encourage them to join the seafaring profession that emphasizing also
the participation of women. It’s no longer an man’s world”
Panindugan han maritime industry nga magka-mayada hin gender equality agud
masulosyunan an gender related problems ngan masulosyunan an mga isyu ha
sektor han MARINA. Mahitungod hini in nagkameada an NMP hin training course
ha Gender Sensitivity Training for Seafarers o GSTS nga libre yana nga
bulan han Marso 2018 kun diin 29 nga trainees an napailarom ha mao nga
training.
An mao nga kurso in agud mapahataas pa an hibaro ha Gender and Development
ha mga filipino seafarers ha pagpromoter han gender equality ha gender
sensitive maritime sector.
Kasamang Justine Traya, Leyte, Region 8, Samar
